Leikurinn í dag

Nú er ég sár! Ég missi af leiknum sem ég hef beðið eftir í meira en 1 og 1/2 ár. Frá því í maí 2005 höfum við ekki unnið stærri en tveggja marka sigur í deild og ekki skorað þar meira en 3 mörk. Ég hef haft þetta oft á orði og beðið óþreyjufullur. Svo missi ég af tveimur leikjum og báðir sigurleikir. Spurning hvort maður eigi bara að sleppa því að horfa á leiki í beinni. Ég vona að leikurinn sé endursýndur einhverntíma eftir kl 7 í vikunni svo ég geti nú séð leikinn. Ég ætla því að bíða með alla umfjöllun um leikinn þangað til. En ég óska öllum Spursáhangendum til hamingju með sigurinn.

Keane meiddur

Já fréttir voru að berast af því að Keane gæti verið meiddur í allt að mánuð. Mido á viku eftir af sínum meiðslum. Þetta þýðir að Berbatov og Defoe eru valmöguleiki nr.1. En desember er einmitt sá tími sem felstir leikir eru spilaðir. Það þýðir að Jol verður að rótera framherjunum á einhverjum tímapunkti til að hætta ekki á álagsmeiðsli. Ég fór að minnast á það strax í byrjun okt. að Jol væri að gera uppskrift af álagsmeiðslum Jenas. Það gæti verið að ég hafi haft eitthvað fyrir mér í þeim staðhæfingum þar sem Jenas sem var held ég bara aldrei meiddur í fyrra (man það þó ekki) er nú aftur meiddur eftir að vera nýstiginn upp úr meiðslum. Berbatov er nú í hættu enda hefur hann spilað mjög marga leiki án hvíldar. En nóg um það. Það sem mér finnst lán í óláni við meiðsli Keane er að Jol gæti hugsanlega einhverntíma á þeim tíma látið Mido og Berbatov spila saman til að hvíla Defoe. Þó Berbatov sé skilgreindur sem "stór framherji" spilar hann ekki endilega sem slíkur. Mér finnst eiginlega vanta þriðju skilgreininguna sem hefur ekkert með hæðina að gera. Leikmenn eins og Nistelrooy, Sheva og Berbatov eru ekki "stórir framherjar" Þeir eru ekki þekktir fyrir að vinna öll skallaeinvígi sem þeir fara í eða vera mjög líkamlega sterkir eins og "stór framherji" er. Þessir menn geta spilað með bæði litlum og stórum framherja að mínu viti. Mér finnst það ekkert vitlausari hugmynd að hafa Mido til að taka á móti háu boltunum og fleita honum á Berbatov. Mido og Berbatov eru mjög ólíkir leikmenn, rétt eins og Berbatov og Defoe.

Ég er samt ekkert að segja að þetta sé besta framherjaparið eða eitthvað svoleiðis. Mér finndist bara spennandi að sjá hvernig sú samvinna myndi ganga upp. Mér finnst allavega ekki hægt að útiloka þessa samvinnu. Það kæmi mér samt ekkert á óvart þó ég fengi ekki að sjá þessa samvinnu Mido og Berbatov. Mér finndist jafnvel líklegra að Barnard fengi frekar séns með öðrum hvorum þeirra en að þeir fengju að spila saman.

Tilkynning

Það er árlegur viðburður að í síðasta mánuði ársins verður allt geðveikt í vinnunni. Menn taka svo janúarmánuðinn í að tala við sálfræðinga og jafna sig eftir taugaáföll :)

Það er því viðbúið að það muni líða aðeins meira á milli færslna svona fram að jólum hjá mér. Þá kannski ekki síst vegna þess að ég mun missa af nokkrum leikjum. Ég ætla nú samt að koma inn með eina og eina færslu þó þær verði kannski engar langlokur.

Ég missti af leiknum í kvöld en sá liðsuppstillinguna og að við unnum 2-1. Sá að Defoe byrjaði, en veit svo sem ekkert um leikinn. Er alltof þreyttur til að fara lesa um hann. Hlusta bara á útvarpið í fyrramálið og fæ vonandi góða skýrslu í Minni Skoðun í hádeginu. En hvað segið þið? Hvernig var leikurinn?

Tottenham - Boro

Nú er heppnin með leikmönnum Spurs. Þeir fá tækifæri til að bæta upp fyrir tapið gegn Arsenal aðeins þremur dögum eftir tapið. Við erum á heimavelli og þar erum við að hirða stigin. Við mætum Middlesbrough sem er lið sem ég hef alltaf óttast mikið. Þeir eiga oft í miklum vandræðum með lakari lið deildarinnar en hafa margoft tekið uppá því að vinna stærstu og bestu liðin og það jafnvel á útivelli, svo hafa þeir auðvita líka skíttapað fyrir þessum liðum. Maður veit aldrei hvar maður hefur þetta lið. Ég hef það alltaf á tilfinningunni að Middlesbrough gæti unnið hvaða lið sem er í heiminum en á sama tíma hefur maður það líka á tilfinningunni að utandeildarlið gætu tekið upp á því að sigra þá. Ég hef hinsvegar fulla trú á að leikmenn okkar skammist sín eftir leikinn gegn Arsenal og muni sjá til þess að umræðan næstu dagana snúist um sigurinn gegn Boro. Ég get bara með engu móti séð annað fyrir mér en sigur í þessum leik. Maður á aldrei að bóka sigur fyrirfram, sérstaklega ekki gegn Boro. Ég ætla þó að gera undantekningu núna og bóka sigurinn.
Liðið


-------------Robbo--------------
Chimb.---Daws----King----Ekotto
Lennon--THUDD----Jenas---Steed
---------Defoe---Berbatov

Þeir leikmenn sem ég tel örugga inn í liðið eru Robbo, Chimbonda, Daws, King, THUDD og Defoe. Ekotto er smá spurningamerki. Hann var án efa sá allra lélegasti á móti Arsenal. Lee gæti allt eins verið valinn í hans stað í þessum leik. Hinsvegar hefur Ekotto spilað ágætlega þetta tímabilið og fékk mjög skýr skilaboð á móti Arsenal að spilamennska hans hafi ekki verið ásættanleg. Lennon er ekki öruggur inn á þeim forsendum að við þurfum að passa upp á að ofkeyra ekki leikmennina. Það má vel vera að Jenas fari á hægri kanntinn í stað Lennons. Jenas er hinsvegar nýstiginn upp úr meiðslum og spurning hvort Jol vilji láta líða svo stutt á milli leikja hjá honum. Af sömu ástæðu og ég er ekki viss um Lennon er ég ekki viss um Zokora. Hann er búinn að spila ansi marga leiki í röð og ansi margir leikir framundann. Þess vegna treysti ég mér engann veginn til að segja til um hvort Davids, Zokora, Jenas, Lennon, Steed, Tainio eða Murphy fái að spila þessar þrjár stöður á miðjunni. Ég ætla að tippa á að Berbatov sé svona nokkuð öruggur inn. Mido er meiddur þannig að ekki mun hann leysa hann af. Þá er úr ansi litlu að velja.

En eins og ég segi er ansi erfitt að spá um byrjunarliðið. Jol verður bara að meta hvern og einn leikmann til að hætta ekki á álagsmeiðsli.

Eins og ég segi er ég 100% öruggur á sigri. Ég spái leiknum 3-0.

Arsenal 3 - Tottenham 0

Í fyrsta sinn á síðan ég byrjaði að halda með Spurs gekk ég út þegar 20 mínútur voru eftir af leiknum. Þetta var það ömurlegasta sem ég hef séð hingað til. Ég horfði á okkur tapa fyrir Bolton og Everton sem var ömurlegt. Þessi töp voru þó hátíð við hliðina á þessum leik. Þetta var í fyrsta sinn sem ég hef séð Tottenham ganga inná völl með hangandi haus. Við töpuðum ekki leiknum af þvi að Arsenal var að spila svona rosalega vel, við töpuðum heldur ekki af því að dómarinn var hlutdrægur. Við töpuðum leiknum af þvi að við nenntum ekki að spila leikinn. Það eru engin fordæmi fyrir því held ég að það sé ekki hægt að segja um einn leikmann "hann var þó að reyna". Það er bara ekki hægt með neinu einasta móti að sætta sig við það að leikmenn mæti í mikilvægasta leik tímabilsins með því hugarfari að þeir nenni þessu ekki. Þetta er leikur sem alla fótboltaáhugamenn dreymir um að fá að horfa á. Það á að vera draumur hvers leikmanns að spila þennann leik. Á meðan ég horfði á leikinn hugsaði ég með mér hvernig það væri ef lið gæfu leikina. Ég býst við að ef Jol hefði spurt hópinn hverjir vildu spila leikinn hefði líklega enginn boðið sig fram. Undir þeim kringumstæðum hefði það verið meiri virðingavottur við stuðningsmenn Spurs að gefa leikinn en að fá þá á völlinn. Mönnum hefði eflaust liðið betur með það að liggja heima niðurlægðir en að vera niðurlægðir umkringdir tugþúsunda Arsenalmanna.

Það er bara eitt orð sem ég vill heyra leikmenn og þjálfarann segja. Það orð er "Sorry". Ef leikmenn að þjálfarinn ætlar að kenna dómaranum um (sem var arfaslakur) þá mun hann fara á svartalistann hjá mér. Ef einhver ætlar að segja að Arsenal hafi bara verið of góðir fyrir okkur, fer hann á svartalistann. Það er engum um að kenna nema okkar mönnum og mér finndist það ömurlegt ef við gætum ekki horfst í augu við vandamálið, þ.e litið í eigin barm. Það var ekkert nema hörmuleg spilamennska og algjör skítamórall í liðinu sem varð til þess að við töpuðum.

Ég er of reiður til að skrifa eitthvað af viti þannig að ég slít þessu hér með.